follow me to the light..

هل من ..؟

2012-01-30T21:58:00.000-08:00

ذبلت
نظرت إلى نفسي في سطح لامع
و رأيت أنني
ذبلت
بعدها لم تتفتح أوراقا
ولم تتنسم بعد
جمال النسيم
ضمرت في مكانها على وجهي
على قلبي
على لفتاتي
ذبلت قبل أن تنتشي
ولو لمرة
انطوت على ذاتها
وانكفأت
كأحدب مغلوب من الزمن
تتدفأ في طياتها
وتدفئ الأمل
..
فتلك الوريقات
لا تزال تحلم
وإن أخجلتني صورتي
لا تزال في انتظار
من يعلم
أي جمال قد تحمل
عندما تتشبع من نداه
وترتعش من العذوبة
..
وعندما رأيت ذلك الأمل
في بعض الأوردة المخبأة
وفي قليل من الجذور الوليدة
فكرت
هل من ولادة جديدة؟
هل من تجديد للروح
فقد طالت الحرارة أطرافي
ونال من قلبي السقيع!
فهل يأتي يوما
وتتساقط ذكريات الأسى
وتتساقط أعضاء الأسى
وينبت شبابا في عروقي
..
إنني في الإنتظار
وسأبقى
مهما تعثر المشوار
مهما آيسني الرثاء
سوف أحمي جذوتي الضعيفة
وأتدثر بنفسي
وببقايا روحا وأوراق
حتي يكتمل الزمان
ويأتي يوم الإفتقاد
وتُـرَد لي بهجةً افتقدتها
وينبت فرخا من أصلي
يبشر ببلد الفرح
وبميلاد الخلاص
..

ع السطوح ومبلم (٢)*ـ

2010-01-09T23:47:00.000-08:00

امتى الفجر يشقشق بأه
حيطان الواحد متشققة
والزن حرام بجد حرام
مابقتش حمل التريقة
..
امتى الفجر يطلع يا ناس
مات من السهر الإحساس
وطقهت استنى الأحلام
مش قادر افضل كده متداس
..
امتى الفجر يِـحمى خضاري
نبتي بقى أصفر صحاري
والميـَّـه بقت سراب أوهام
مين يقدر يجيبها لداري
..
امتى الفجر يصافح وشـِّـي
والنور يقول للغُلب ياللا إمشي
ويغور السهر وأعرف أنام
ماهو بقالي سنين ما بنامشي
..
امتى وامتى، عمال باسأل
مستني الفجر وباينه بيتقل
والناس شايفاني زي حطام
وانا أوحش وبحاول أتجمِّـل
..
انا يتهيألي مش راح أدقق
وانشالله عن الفجر ما شقشق
وانشالله عني ما رجعت تمام
مش كل اللي نعوزه بيتحقق
..
انا متضايق و نَفَسي بيغلي
ولو اتكلمت هاولّع كلي
فانا مش هانطق بأى كلام
وانشالله انفجر مللي بيحصللي
!

(للاطلاع على "ع السطوح ومبلم (١)" يرجى الرجوع إلى يناير٢٠٠٦)ـ*

حدّ يطمنني

2009-03-16T22:39:00.000-07:00

صحيت مفزوع
جالي حلم..والعياذ بالله من ده حلم
شفت مصر صبية ملفوفة بالسواد
والسواد في الحلم لون الخلفية الهباب
يعني مصر ماكنتش لابسة
عريانة ولاففها الضباب
مكسورة مكسوفة وقلبها منكاد
!
شفت الناس ف الشوارع بقت أبيض ف اسود
زي بلاد الخليج
و الأوبرا محروقة والساقية اتهدت
ووسط البلد محبوسين مع عمر خيرت
و الجرايد كلها مصفر أو مخضر
والشوارع زي افغانستان فيها موت
والستات ستات بس جوه البيوت
وبراها شجر
!
النيل كان نايم ف نفس المكان
بس مداس غلى راسه بالجزمة
كل تماثيله مرمية فيه
م المتحف جابوهم وقالوا حرام
والأوتلات هياكل سودا
كانت بتدخن لسه من يومين
واصحاب الرأي هربوا منها
و برّه بيقولوا مصريين
!
واحد م الغربة قاللي
شايف الصبية اللي جاية علينا
ومش لابسة غير جلدها
وكل الناس أهم بتنهش لحمها
مش عارف ليه انا عارف شكلها
قلتله وانا باصص ف الأرض
دي أمي..ياريتني ما سبتها
:(((
نزلت الشوارع والناس خضيتني
عميان وعينهم بيضا ما فيها نني
صحيت مفزوع وقلت
ياااااااااا رب حدّ يطمنني

أتكلم وأعلم

2008-03-02T02:30:00.001-08:00

أتكلم وأعلم أنك تسمع
أنا في بعدي
وأراك تدمع

يا أبي كم بعدنا
والعمر يسرع
وكم ترضينا الحياة
بل غدنا نضرع
كي لا يفاجئنا الهروب
فنفزع

و ما أجد الآن سوى الذكرى
في الذكرى أهجع

يا أبي
وجع النفس لا يبرأ
وذكرى حنانك
لا تشفع

bekh!

2007-12-29T13:09:00.000-08:00

bekh!

! لك الله

2007-05-19T12:18:00.000-07:00

عندما يكون الله خارج الأبواب
يشيخ شباب القلب
تضيع نشوات الحب
يفقد الإيمان صبره
وبحور الفكر تلد الدوامات

عندما يكون الله خارج الأبواب
تخرج الأنـَّات كلـُّها جارحة
تشرق الشمس وكأنها غاربة
وتزوغ ألوان الحقيقة
و تصبح الروابط كالتفاهات

عندما يكون الله خارج الأسوار
يملك الحزن كصاحب بيت
ويتعمق الشك بجانب الجذور
وخارج المحلة الجميع أثمة
فتنظر لله على أنه منهم
!

وعندما يكون خارج المدينة
إشتياقات الحياة تبهت
وملامح الإنسان تبهت
حتى أحزانك .. تبهت
و كأن ولدتك اللامبالاة
!..

و عندها
لك الله
!

b7bk!!

2007-01-14T06:52:00.000-08:00

b7bk
7atta law kan 7abbek koll el nas
ana 7obby mesh fekra 3an el ekhlas
ana 7obby eltezam yermy el asas
yebny el beit we yedaffy el 7orras
yerabby 7ob men tany
mesh 7ob anany
laken tefl latyf
tenawar men 3eino
el amany :)

b7bk
7atta law ma 7abbek 7ad
7atta law inhar gowaky el sad
law shomoukh el 3a2l enhad
law shakh el gamal
aw etdaghat el 7al
we etkarmesh
men ta7t el 3ein
dalal :)

b7bk
7atta law battalt a7eb!!!
hafdal masek fy karary
wa hanot men alb le alb
le7ad ma7a2a2 entesary
enno mafysh amar tany haynawar
fo2 el share3 elly gowaya
gheir el sho2 elly beydawar
3ala 3ein tesabbet fya ragaya
!
maho asl el rabta el benna
mesh masha3er fyl ganna
wala 7orreya momken te3gebna
el rabta kelma we salah we wa3d
el rabta akwa men ay magd
aw hadaf aw te72i2 zat
elly beinna
far7et ertebat...
...
b7bk!!

! من تاني

2006-11-17T03:49:00.000-08:00

رجعت
وإتوجعت
وإنخلعت
وإقترحت على نفسي الهروب
وجربت أهرب
وإتلسعت
ومن تاني رجعت
أسأل وأهرب من جوابي
بس جعت
حقيقي جعت
الومض اللي إتعودت عليه
بيلمع ف عيني، مش لاقيه
أتهد حيلي
وضعت
لما هاجمتني الأحلام
لما أخدتني الأفلام
لما الشغل شغلني وقعت
على بوزي وقعت
واتكسرت السنة اللي قدام
فمن تاني رجعت
أتحدى اللي بيحصللي
وابني الأسوار وأعللي
وأنده للكون : بُــصللي
يااااااااااااااااااااااا خلق هووووه
أنا رجعت

البرد

2006-08-05T12:56:00.000-07:00

..على ضفاف النيل يصبح الشتاء أشد قسوة
.. قالت لي وهي ترتدي معطفي !.. فلنذهب إلى بيوتنا .. واتجهنا صوب محطة الميني باص
.. نظرت إليها وقد انكمشت بداخل المعطف الثقيل .. وقلت : يوماً سأبتاع مثل هذه السيارة
..
وعند بيتها ودعتني بجمالها الشفاف وتركت لي المعطف .. وعندما إرتديته ملأت كياني رائحة عطرها
!فضممته بالأكثر كي أتقي لسعة البرد
..
واليوم ، بعد عامين ، إبتعت السيارة التي قلت عنها .. وعندما عدت إلى منزلي وفتحت الدولاب
..وجدت المعطف القديم ما زال يضم عطر تلك الأيام التي إنقضت
!! .. وبقية الأحلام التي بترت

آدي حال الدنيا

2006-07-20T03:29:00.000-07:00

آدي حال الدنيا
..
واحد مش عارف ، واللي يعرفه إنه عارف ، وما يعرفش إنه مش عارف
وواحد عارف ، واللي يعرفه إنه مش عارف ، ومايعرفش إنه عارف
قابله بعض في الدنيا
فاللي مش عارف ومايعرفش إنه مش عارف قال للي عارف وهو مايعرفش إنه عارف : أنا عارف
واللي عارف ومايعرفش إنه عارف قال للي مش عارف وهو مايعرفش إنه مش عارف : أنا مش عارف
..
وآدي حال الدنيا
أنا مش عارف

الألم .. والإتزان

2006-07-08T07:48:00.000-07:00

(22-5-2001)

في مرحلة عدم الإتزان .. يدرك الإنسان أنه أصبح بلا هوية واضحة .. وبلا هدف واضح .. يدرك أنه الآن .. إنما يسير في الزمن متأملاً الفراغ .. أنه أصبح مطروداً من جنة نفسه .. مرفوضاً من ذاته .. يدرك الإنسان كل ذلك ولا يمد اليد لنفسه كي ينقذها من غرقها في بحار التيه

في مرحلة عدم الإتزان .. يركن العقل إلى التسليم بالغيبيات .. إلى إلقاء التفسيرات والتنبؤات إلى قوة غير محددة .. وتركن الروح إلى احتواء الخواء ، والرضا بالفراغ بديلاً عن الملء

ففي تلك المرحلة ما يكفي من عدم إتزان كي يفقد العقل صوابه .. والعقل أبداً ما يقبل أن يهدأ والروح أيضاً مثله .. فيلجأ الإنسان إلى الغيب ليجد فيه راحة الإستسلام

في مرحلة عدم الإتزان .. يفقد الإنسان أشياءً كثيرة من أساسيات تكوينه .. يفقد السيطرة على دفة الأفعال والأقوال والضحكات .. بل والأفكار أيضاً والمشاعر .. يفقد القدرة على الإختيار .. الإختيار .. فقد أصبح لا يعلم ماذا يعلم وماذا لا يعلم!! لم يعد يعرف بماذا يشعر وكيف ينبغي أن يشعر .. لم يعد يعرف أيجب البوح بالألام أم الصبر على الكتمان..

!!أم التوهة مع الروح في سؤال لا يجاب : هل يَشفي الزمان .. هل يُـنسىَ الحنان

":في مرحلة عدم الإتزان .. يصرخ العقل في وجه الروح .. "كفاااكِ .. كفاكِ..!" فتجيبه الروح هامسة بحنان ..

عزيزي .. راجع نفسك .. أأنت من تقول هذا؟!.." فيطرق العقل عالماً أنه هو من يحوي الذكريات .. والأفكار والصور.. هو من لا يستطيع أن يقتنع بالأحداث .. فيبحث عن المسكر.. يلتهي به عما أصابه .. ويترك الإنسان..
!في حالة عدم الإتزان

وما أقسى أن يتوه العقل .. من بعد شموخ
والقلب الشاب القوىّ .. معه يشيخ
والروح .. آهِ من الروح .. تصرخ تصيح
تطلب الغوث.. وأحداً في البيداءِ لا يصيخ

etganneny..

2006-04-21T12:02:00.000-07:00

etganneny ya belady
law ma bte7zany..
etganneny law mat
westek el sot
aw lahleb dahrek el sot
wenty khad3a beten7eny
...
eih el moshkela
law tetganneny
maho ma3adsh fadel
ba3d el hawan
gheir el 3ama
wel 3emyan 7okama
law mat3amoush mel kharazan
ah law te7zany
kan ketyr mel waga3 yenshal
law tet7any
el foul elly bey2outek dalal
we 3e2oul el doud wel en7elal
welly raye7 welly gay 3ammal
yenhash fy la7mek we ye2oul 7alal

wenty bardo mab te7zany
tab etganneny
wel7asy torabek we sakkeny
ma bein abwabek el gherban
dakhany men gheir anyn
aw anynek el3any

الصباح في الساحة

2006-01-30T07:54:00.000-08:00

..
ووجدت ذاتي ذات صباح
جالس في ساحة
أحتسي الكاكاو
تركت نفسي ترتاح
في ذلك المكان الذي
بدا وكأني أتيته
فجأة
كنت أنتظر الأخبار
وأنسخ لك الصور
أأكل المفروكة
وأمتطي المطر
وأراقب الأحبة
لمّـاجاءني الخبر
..
لِـمَا جاءني الخبر
..
بلاطات الساحة الأسفلتية
تتطلع فيّ
وتسألني أين أنت
وأنت لم تأتي
أين قديتُ الأمسية
وحدي في البلد المنسية
حولي أناس أعرفهم
والناس لا مبالية
وأنت هل كنت معهم
هل جدت بنظرة وداعية
هل أذكر أني كلمتك
هل أذني هي المتناسية
هل سرنا في الطرقات نعدو
وكنت بصمتك راضية
أين قديت الأمسية
لا أملك إجابة شافية
ومطر الصباح لم يبقي
في الساحة بقعة نائية
كل البقاع صافحها
كل البقاع عانقها
كل القصص الماضية
وأنت بعد لم تأتي
تضحك الأرض القاسية
..
تسأليني إن كنت غضبت
الحزن يفوق الغضب حماقة
أوكنت كرهتك فرحلت
ليت الكره يشفي من الفاقة
..
شربت الخبر مع
آخررشفات الكاكاو
وتركت المفروكة
وفكرت في "اللام" و "الواو
لو
يقول لي هل ستأتي
أقول لو
يقول لي هل نغادر
أقول لو
يقول لي هل استمتعت هنا
أقول لو
..
بلاطات الساحة الأسفلتية
تنادي عليّ
تنبئني أنك مررت بها
وسمعت تلك الأغنية
وتذكرت منا ما كانَ
أما الهدايا وكانت كل ثروتنا
ليل الوداع نسيناها هدايانا
قلتُ للساحة المستلقية
يا ليتنا نسينا هدايانا
..

ع السطوح ومبلم

2006-01-24T11:52:00.000-08:00

وانا قاعد قبل الفجر

ما يطلع

مبلّم مسهّم

والندى بالل نضارتي

بارسم

في الهوا تضحكلي خسارتي

ودراعي مرمية جنبي

وع السطوح اللي جنبي

جارتي

قال بتنشر قبل الفجر

عملت مش فاهم

وركزت ف حيرتي

البت حلوة

ف عين ناس كتيرة

وانا ما ف عيني

نظر يافندم

انا لسه مبلم

أمي صوتها ف ودني

بتقوللي : ومالها

أسرح وأقول انا كمان : ومالها

كل اللي بارسمه بصباعي

بياخده الهوا معاه

ويفضللي بس الصباع

وكلام أمي وصداع

وجارتي بتنشر لسه

وهي مكسوفة

بقالها ساعة إللا ربع

مكسوفة

وانا باصص قدامي وتايه

والندي بيلمع على أورتي

ويبل قميصها الوردي

حاجات كتير مكشوفة

وانا مش شايف حاجة

مش شايف يا ناس براحتي

وكل شوية تغني

أغاني مش وقتها

نفسي أقوم أقوللها تسيبني

ع اللي جرى

يعلى صوتها ف الهوا

والسطح مش ملك ابويا

والهوا بتاع ربنا

والغنى يشتتني

وانا اصلا متنيل

متششت خلقة ومتكيل

مش عارف الم درفي على حزني

كل ما اركز اتفشكل

القلة بعيدة وناحيتها

انشالله ما عني شربت

انشالله ما عني سهرت

انشالله ما عني عشقت

مش عارف حتى اتضايق

ع اللى جرى

بتغني الهانم وتتعايق

لسه جوايا العيشة رخمة

مش عارف افوق من يوم الصدمة

بس اما تيجي وانا احكيلك

كان نفسي الحق احكيلك

غيري الأغنية بأه يستر عرضك

جيبتيني لورى

وامسح دموعي ف منديلك

ع اللي جرى

وادينا ف ده الحال

من تلات اشهر

لا انا بافوق

ولا هي بتبطل تنشر

ولا امي بتهدا

ولا الفجر بيظهر

امتى الفجر يشقشق بأه

حيطان الواحد متشققة

والزن حرام بجد حرام

مابقتش حمل التريقة

!! الوداع يمنع الضياع أحياناً

2006-01-21T06:58:00.000-08:00

صليت لأجلك
في حريصة
كي ترتبطي بمن يحبك
وليس من يستطيع أن يمتلكك
صليت لأجلك
كي تجدي من يحملك
ومن تحمليه
ويكون حمله هين
صليت لأجلك
كي لا تجرح قلبك ثانيا
قلوب جافة
ولا تعديكِ
قلوب رطبة
كي لا تضلي بين الجبال والأشجار
والبحر
وصليت كي أستطع البعاد
..
ولكن عندما سرقت
منا الأحداث كل شىء
حتى الوداع
شعرت أني لم أرك
أني لم أصللي عند حريصة
ولم أتجمد ممسكاً بشمسيتك
كان الوداع سدادة الزجاجة
التي ملأتها الأيام
الفوارة
في بلدك المثير
وضاعت السدادة
وسُرق الوداع
تبخر كل ما اختزنت الروح
من جمال
تراكمات الفرح بُددت
وأشجار القرب ماتت
عند ساحة النجمة
عندما أتاني الخبر
..
لستِ مثل اللوائي إعتذرن
ولم أأبه
فقد تقافزت الحمم إلي رأسي
وأحرقت من القلب قطاعات
فغدوت مثلما قالت لي
: قريبتك
صحراء
لا أحوي أحلاما
ولا أشكل ذكري
..
صليت في الطائرة
كي لا أنسى حريصة
ونسيتها
صليت كي لا أفقد ذاتي
وفقدتها
لملمت رماد أجنحتي
وبقايا أمتعتي
ونزلت لعملي
أصللي أللا تُجرحي
وأللا أفقد من القلب
حريصة

غادرت

2006-01-15T12:49:00.000-08:00

محروقٌ أنا
هل من معين
لياليَ دموع
وكلامي أنين
الذكرى قاتلة
والواقع مخيف
مخيف
وأنا لا أملك شيئاً
قلبي ضعيف
ضعيف
..
مازالت الضحكات
تملأ أذنيَّ
مازلتِ الأجمل
في عينيَّ
وها قدغادرتْ
ها قد غادرتْ
إلى الأبد
..
عقيمٌ هو جُبني الشرقيّ
عقيمةٌ أسوارك
محبطةٌ تجربتي التي
تركتني دون أبوابك
لا أستطيع الحرب
لا أستطيع التقدم
حزينة هي تلك الأيام
التي رأيتك فيها عابسة
وكانت تلك
يا للحزن
آخر الأيام
وها قد غادرت
إلى التمام
..
لما تركت الحريق يهاجم
ولم أمنع
لما مع سبق معرفتي به
لم أرجع
..
لم أرد أن أفقدك يوماً
لم أرد أن أقترب يوماً
كنت أعلم أن النار ستطول الروح
كنت أحرسك لأني روح
ولكن الآن نال مني اللهيب
إحترقت مني الأجنحة
سقطت في ساحة النجمة
قبل الرحيل
مع الكوب الساخن سقطت
وتركت مكانها في الأذرع
حفرتين لا يندملا
وفي القلب ثقبٌ
مُضلِع
سامحيني لست بعد حارسك
لست بعد حولك
لست بعد أقوى أن أحلّق
أخترق البلاد وأصِلِك
فها قد غادرت
غادرت أرضك
..
الجميع يسألني عنك
يسألني أيناك
هل صافحت عينيَّ عيناك
هل ذابت الأفئدة
وتاهت العقول
هل بلغت الفرحة
كل الحقول
الجميع يريدني أن أبشّر
بالجديد المفرح
وأنا لا أجيب
حقلي مجدب
وأخباري صحاري
والسؤال يفلحني
يفلحني
والتنبؤات السعيدة
والشفقة
ومصمصات الشفاة
الجميع يحب الأخبار السعيدة
لما لست أنا الإنجيلي
جئت من بلد الأخبار
بلا تذكار
بلا أفكار
ذهبت إليها والجميع يدعون
وها قد غادرت
غادرت
بلا رجوع
..

.. لو أقدر

2006-01-02T11:53:00.000-08:00

لو أقدر

أعرف إحساسك

لوأقدر أقرأ افكارك

ما كان يبقي للحياة لذة

أوأشتاق لسمع أخبارك

...

لا أنا قادر ابعد

ولا قادر أمنع نفسي أقرب أكتر

وعارف إنك مش ليا

عارف ومش عايز بس أفكر

ما هو أنا مش عارف

انا عايز أيه

ومش قادر أقوللك

عاللي مخبيه

إنت قطبي

وأنا قلبي بقى برادة

يشتاق يلمس إيدك

بكل سعادة

عارف إنه ساعات

تقابل ناس وتعرف

إنك ماكانش المفروض

تقابلهم وتضعف

لأنه مكتوب

من قبل اللقا الفراق

ومن قبل القرب

مكتوب علينا احتراق

طب ليه بأه لسانا بنقرب

ونميل ونتعلق

ومسيرنا نتعب

آه بس لو أقدر

ماكنت عرفتك من الأول

ولا كنت إتمنيتنا نطول

لوإقدر كنت غيرت المكتوب

عشان باللي ما بيننا بتعيش القلوب

New Year Moon

2005-12-31T16:30:00.000-08:00

The Same Moon!
(song - Phil Collins)

When the daylight comes and I look across the room,
I see you're gone.
As the morning breaks and I reach to hold your hand
I can see, see I'm the only one.
Well, your clothes are gone and your bags are packed
but the bed's still warm where you lay
now I need your love to come shining through
to carry me, come carry me away.

If you choose a time, I'll catch the moon
I'll see you there
from wherever I am, wherever you are
we'll find somewhere.
I see the same stars in the same sky
shining down on you,
I'll be looking up from wherever I am
and it's you I'll see if you're looking too.

There'll be days that'll seem much longer,
some nights will seem so cold,
But I see hope on the horizon
and it's gotta come soon - please don't be too long,
don't be too long.

If you choose a time, we can catch the moon
I'll see you there
Whenever it is, from wherever you are
oh we'll find, yes we'll find somewhere.

are you looking at the same moon?
are you looking at the same moon?
Look up, Look up
are you looking at the same moon?

!! بس بردك صعب فراج البحر

2005-12-29T06:15:00.000-08:00

بخِّيت الحزن عني بعيد

وجُلت يافرح انا بعدي وحيد

لا لجيت م الحزن ألم لفراجي

والفرح مازارني ولو ف العيد

يابا ميتا ييجي البحر يَمِّيتنا

كل ما نجرَّب منه يبعدنا

مادينا سيبنا طيننا وطيرنا

لحدُّه وهو ما راضي يسكِّننا

البحر يابا ليه ناسه

وإحنا مالناش غير نيلنا

ليش يا بوي عمنوجع راسنا

ببحر لا يهمه إللا ساقيتنا

أيووووووووه يا صعيدي يا جدع

داني نشيلك على راسي وما نقع

دانت منورنا من عند الإمة

ما نسيبك وإنت جواك الوجع

أني عال يا خوي بس البحر

غدار ولو متحوَّط صخر

وأني فلاح ماليش غير أرضي

مافهم فلوس ولا نسوان ولا أجر

أني راجع لأبوي وأمي

وبنت الحلال مرتي

أفلح وأجلع خير الأرض

وآكل مستور مع ولدي

بس بردك صعب فراج البحر

أيوه صعب فراج الأجر

.. نبِّهني

2005-12-26T08:02:00.000-08:00

..نبِّهني
أن أحب مهما ضعف بصري
أن أحن مهما إرتخت يداي
أن أعفو مهما إشتدَّ السيل
وأن أصبر حتى مطلع الأعوام
!
.. و نبِّهني
أن أجدَّ في المسير طول عمري
أن أشدُّ الرحيل وأحمل مأواي
أن أتحمل ضغطة الطريق والليل
و أن أحرث الأراضي ولا أنام
!

.. وذكِّرني

أن مازال أمامي أنهراً لم أعبر

أني مهما بلغت في الحياة لم أكبر

أني في الرحلة عندي رسالة

يوم بعد يومٍ تكتمل وتظهر

.. ذكِّرني

أن أحب كل الناس كل الناس

أن أهدم أمام الجمع أبواب النحاس

أن أدعو الغريب : أخي، للعشاء

وأن أرتوي منك عندما أفتر

يا صديق نبهني

فأنت شريكي في مؤسستي

وطريقي من هنا إلى مرتبتي

وسادتي أنت ومتَّكئي

بل رأس المال بمملكتي

يا حبيبي

ذكرني كي أذكِّركَ بالمثلِ

فالحب صداقةٌ للعقلِ

أمي ، أتستطيعي المجيء؟

2005-12-23T11:48:00.001-08:00

انا في انتظارك
أتستطيعي المجيء
دوماً في غيابك
أرجو اليوم الدفيء
هل غاليتُ في صلاتي
عندما طلبتكِ وحدِك
وهل أطلتُ في سكاتي
عندما لذتِ بصمتِك
لم أعرف غير عيناكِ
عينان تأسراني قسراً
القلب يهفو رغم عنه
والعقل يبنيكِ قصراً
..
عندما طالت بي ليالي الضنى
كنت كالطفل آتيكِ
عندما هدهدني طيب الهوى
من طيبي كنت أعطيكِ
أيا أمي لكم أشتاق
أن تعود لياليكِ
أنا تمثال رمسيسا
لا أسكن بِواديكِ
أقف للخلق أعجوبة
بما صنعت أياديكِ
أنا هرمٌ قد قُدَّ
من أحجار بَوَاديكِ
أنا النيل لا أشُقٌّ
الآن -فرحاً- أراضيكِ
أنا كنيسةُ معلقةٌ
أنا سور النصر وقلعةٌ
أنا بواباتٌ مغلقةٌ
أمام من يعاديكِ
..
أنا عسسٌ لا ينام
برمش العين أحميكِ
أيا أمي لكم أشتاق
أعود أحرس لياليكِ

يا بيتي

2005-12-01T09:32:00.000-08:00

لأني بعيد
بعتت الروح حواليكي
لأني بعيد
وقادر ربي يحميكي
..
لأني مش قادر أقرب
مش قادر أضمك
وانا متغرب
مسافات ياما بيني وبينك

القلب عمال يدبدب

عايزك ومش راضي يتعب

عايزك والحزن حابسه

ومالوش مهرب

أصل الحزن فكرة

مش مشاعر

خمرة تسكر

حبل يربط

ساقية تدوخ

وهـمّ سافر

وانا أعمل إيه

وماهوبيدي

السكة طويلة

وانا ماشي لوحدي

احلم لوحدي

واحاول لوحدي

ونفسي اجيلك

اجيلك

ولو ليوم

ولولساعة

الدمع متحاش ف الغيوم

والصدفة مش راضية تحصل

والحلم مش راضي ينام

ولا الأمل راضي يبطل

طب بس اشوفك

بس اشوفك

من غير ما إنت تشوفيني

انا راضي لو ده ينفع

انا بعيد وباتقطع

ايدي فاكره لمستك

وبس الذكري بتمتـّع

وبتطلع م القلب كل اللي إتترّب

واتغرب

عنك و بعّـده الحزن

والمسافات

ولأني بعيد

بعتت الروح حواليكي

وانا وحدي هنا بابكيكي

يا مصر

يا بيتي

هتتحرر

2005-11-18T09:37:00.000-08:00

(إلى توييتي :)

هتتحرر
هتتحرر
ومهما قسي أسر البربر
هتتحرر
هتنفك قيودك وتتدمر
وكل إللي ماسكك يتكسر
من جوه القلب مش برّه
راح تتغيّر
!

وتتحرر

بكتير أكتر

م إللي كنت بتتصوّر

في الضلمة فرحك هينوّر

في السكة نورك راح يظهر

ويفضل دايما كده فرحك

يتطور

!
وتتحرر
وبرغم كل شىء تقدر
وبرغم أي شىء تقدر
وتفرح بنفسك تتمخطر
ماهو لما طلبت قوام
مطـّـر

!
وتتحرر

وتتبسم
للدنيا ..ولونها الأخضر
وللحق إللي جايلك بيبشر
لنفسك ولغيرك للعالم
قوم و إظهر
!
وتتحرر
وتتنفس
بجمال ريحة الخلاص
ويشوف فرحك كل الناس
وبعد ما كنت محبوس
تبقى مبشر
!
يا بختك بكل الحرية
يا بختك يا بخت البشرية
!

جفّ الإلهام

2005-11-10T04:45:00.000-08:00

لماذا يعلونا
دائماً الصدا
؟
لماذا ينقصف
سن القلم
ولا يبقي أبدا
؟
لماذا يجف المداد
أللقلب أيضاً مدادا
؟
لماذ هناك دوماً
من ينـبّــهنا
فجأة من سباتاً
و لم ندري أنـّــا في سبات
ممدودا
..
والصدأ يتسلل
ولا يهاجم
والعقل العنيد
ياللغباء يستسلم
السكون مريح
وإن كان علقم
وليس في الخوف من الألم
ما يلهم
!!!!

أمل

2005-10-11T10:32:00.000-07:00

كان الأمس
جميلاً عذبا
كان كل ما فيه
وكل من فيه
طربا
كنت نفسي محبا
و كنت أنت
قريبا
وكان قربك يكفي
..
ولكنه كان الأمس
إشتقت للخلاص
للسلام والهدوء
هل من مناص؟
يداهمني الشعور
أني الآن كان يجب أن أكون
مدفون
كان يجب أن تنتهي تلك الحياة بالأمس
وتبقى بالأمس
ليس فيّ يا أيام
أن انتظر ما قد تضيفي
وليس عندك ما تضفي
..
الغد أمامي
ما لست أريد
ولست أعرف
وثمة من يقول
أنه يعرف
أن بغدي
شيئا جميلا
لم أعد أعي ماذا أفعل
أصدق صديقي
أم أنزوي فقط على ضيقي
واستسلم
لست أعتقد أن هناك ما يمكن
أن يشفي
..
الأمل
قد يشفي
الفرح
قد يشفي
الحب
قد يشفي
ماذا تحتاجي يا نفسي؟
فقط أن تنسي الأمس

فقط من أجلك

2005-10-08T12:24:00.000-07:00

فقط من أجلك
ألمس وجهي كل صباح
كي أعلم أني ما زلت شباب
تجري يدي فوق القسمات
و تحرس أذني الباب
أخاف أن يراني أحدا
ليست في طاقتي الأسباب
..
فقط من أجلك
ألمس وجهي كل صباح
كي أذكر كيف أبسم
كي أذكر هيئة الضحك
و كيف ترسم
كي أحافظ على قناعي
تجري من تحته دموعي
ولا أحد يعلم
..
فقط من أجلك
ألمس وجهي كل صباح
أتأكد من زينتي
أصلح من شعري وهيئتي
أظهر بالكحل لون عيني
وأزرع الورد ببشرتي
و أعود فألمس وجهي
وأعلم أني نجحت
في رسم ما تعودت
شهوراً شهوراً ما نسيت
أن أرسم جيدا وجهي
وأعود فألمسه
..
فقط من أجلك
ألمس ذلك الوجه كل صباح
وأتذكرعندما كنت أراك
أتذكر عندما كنت أرى
أتذكر عندما كنت إمرأتك
أتذكر كل ما جرى
فقدتك و البصر
فقدتك والبصر
و أفتقدك كلما ألمس وجهي
و قلما إفتقدت البصر
..

كل شىء

2005-10-07T09:59:00.000-07:00

..
وكل شىء بينسرق مني
العمر م الأيام
والضي م النني
وكل شىء كل شىء
حواليا يندهلي
جوايا باندهلك
يا ترى بتسمعني
..
فينك؟؟
..
فينك ياللي طلعت عيني
عليك تدوير
وانا رجليا ما عاد فيها حيل
من كتر المشاوير
فينك ليه معاند حظي
فين ألاقيك
وانت ف يوم هاتيجي واللا
لازم أنا أجيك
السكة بعيدة
والوحدة شديدة
وبرد الليل ف الصحراء مرير
وبرد الليل ف الصحراء مرير
..
فيه ديب مر عليا و كان حزين
وكمان جمل وجمّال
مليانة عينه شجون
ولما يطلع عليا القمر
ومش باشوفك زى العادة
بالاقي السؤال يهاجمني في السكون
إنت مين ؟
إنت مين؟
..
فينك؟؟
بيني وبينك
أكتر م الذكريات
..
إنت مين؟
..
أنا من غيرك
أنا مش عاقل ولا مجنون
أنا مطحووووون
و ما عاد فيّ غيرك
وما كان ليّ غيرك
يا ريتني بس
كنت بقيت مجنون
..
الدنيا رحايا
والدمع ساقية كبت
إنت رحت
و أنا - الظاهر - مت
والفاضل مني مش عارف
أنا مين
!

يومك الممدود

2005-08-05T08:09:00.000-07:00

(إليكِ يا شرنقتي )

قاوم يا جناحي الصغير
قاوم ..
إضرب الهواء بعنف
حاول ..
إنتفض من تيهك ..
احملني بعيداً بعيداً ..
فأنا اعلم انك
ضئيل الحجم ،

! فريداً

..في عالم ٍ منتفخ

و اعلم أني لست إللا
حشرةً صغيرة

..والنور يغشي بصري

فعيناي إعتادتا النوم ،

و كذا إعتاده عمري

لذا قاوم

..ياجناحي الأثير

..فليس من يهتم بك

..أو بي

..و لا واحد في كل الأثير

..كلّهُمُ قد عافوني

..و عافوك

! ..ما عرفوني وما لحظوك

لا تهتم و لاتحزن

..ولا تحفل بهم

..شمر فقط عن قوتك

..القليلة

..فلا زال بعروقك الشفافة

!..بعض عصارة "حب"

..أو قاوم يا جناحي الصغير

!حارب من أجل المستقبل

..فأنا أطير بك وأنت تحملني ..
والريح تحملنا جميعاً ..
والريح خصماً مريعاً

!..عندما تبحر في وجهها

يا صغيري يا صغيري

..أيها المغروس بجسمي التوّاق

..ألا تعي أن ذبذباتك تلك التي توتّرك ،
ترجّني من الأعماق

..ولكنّي منذ مزقت شرنقتي

وأخذتك معي

..ما نسيت يوماً

..أني حياة ولِدَت من حياة

و أني لفي انتظارمملكتي

..فلن يحتويني سوي الحياة
التي تنبت من أحشائى
وأنت كذلك
لا بد وأنك تنتظر الأخبار
تأتيك بأنه حتماً
ستنبثق منك أجنحة

..شفافة كما أنتَ

..لها قلبٌ مثل ما لك

..ستحتويك يوماً

.تهفهف عليك

..و ترعاك

فقاوم يا صغيري المنير
لأجل أجنحتك

لأجل ذلك المستقبل

الذي رأيته لك منذ سنيناً مضت ....

!
لم يعترف بك كثيرون ، أليس كذلك ؟

هذا طبيعي

..فكل الحشرات الآن تسعى

..بالغريزة

، إلى أكلها ..
فلن يُعتَرَف بك إللاإذا

كنت أُكلاً ..
أو كنت خطراً

..نعم يا صغيري

..لم يعد كثيرون الآن يبتاعون ما قد تستطيع أن تقدم

..لم يعد كثيرون يهتمون بمسانداتك

، تعزياتك
هدهداتك ،

"حبك"
لذا قاوم يا لصيقي و طِر

..تحدى الهواء

سِر للأمام واعبر

..كل جيف الأحلام الملقاه

..كل سدود الملل المشيّده ..
طر هنا وهناك

..طِر واملأ قلبك الوردي
بالأماني الجدد..
فلن يجفف السقيع رطوبتك

ولن تحرق الشمس

طيف الألوان
بخلاياك ..
فالأفق الودود
مفروشةٌ به
امالك ..
و يومك الممدود
أمامك ..
يستحقان منك
حقاً أن ..تقاوم!!

انا لابد في المحطة

2005-08-02T10:31:00.000-07:00

باكتبلك
إسمعيني
ياللي كنتِ نني عيني
لو لســـًّــاكِ في مكان
مستنياني
باقوللك انا
فاتني زماني
يظهر إني
مش راجع تاني
مش راجع نفس
إللي ف يوم عرفتيه
اتحولت
حاربت عشان مكونش أناني
وبقى للحب عندي
اكتر من حبة معاني
واكتر من فرحة وشوش
..
باقوللك
والشوق كاويني
بس لازم تسمعيني
صحيح في الوحدة
احتياج
وطلعان عيني
بس الواجب عليَّ
-وإخص هنا ع الواجب -
إني أقوللك
إمشي وسيبيني
قطرك هيعدي
كمان ثواني
وأنا قطري
على قشر بيض هيجيني
ياللا امشي
تذكرتك يمكن تبوظ
وماتنفعش تاني
وانا مأجَّر هنا دكة
يا فرحتي لو فاتك قطرك
فين هتنامي
وف المحطة وحوش
..
باكتبلك بصي
اسمعيني
خدي القطر من عندك
وانا هأخده من هنا
يمكن تقابليني أذا ركبتيه
و أنا يمكن
ماركبهوش
!!!

ذلك البلد

2005-08-02T08:21:00.000-07:00

و لن يكفيكي الصمت طويلاً
لن يكفيكي الدمع والترنم
سريعا ما ستتفتح أمامك السبل
فالحرية جباراً خرج من القمقم
سيجرك معه حتماً في الرحلة
سعياً وراء محور وجودك
وستظلي معه فقط تفتشي
عن ذلك الذي لست بعد تعرفيه
فالطريق الذي سيسلك الجبار
غير ما عرفتي من طرق
غير ما رأيتي من أفاق
طوال الطريق ستتفجر من حولك
ينابيع دموع جديدة
و ستتفجر فيك
..طوال الطريق ستتعرفي علىزقزقات غريبة
ستأتيك من ذلك البلد
الذي تسعين بحثا عنه
ذلك البلد
الذي طالما إشتقت اليه
وستدركين وقتها
أفكارا غير مستأنسه
..
قريباً لن يبقى لك مما تتذكرين
الكثير
قريباً لن يبقى مما تعرفي
الآن حولك سوى أطياف
قريباً تتواتر عليك أحلاما
وتتقافز فيك خلايا
وتفور من داخلك حماسة
قريباً ستختبر عينيك ضياءا
مبهجاً
مزعحاً
فتنسى حتى ذاكرة العين
ما فيها
و لن يبقى لك في الرحلة
سوى دبيب في القلب
الذي لن يزل دون تحول
...و عندها لن يكفيكي ما يدعى صمت
ما يدعى دمع أو ترنم
فالجبار سيمزق كل الخلايا
و يٌخلق لكٍ من بعدها
حواسا جامحة
لا يدرك عنها شيئا
سوى من جاز في قلبه التيار
الحب
!

انا رايح حتة بعيدة

2005-08-02T08:12:00.000-07:00

ماهوه فجأة وسط الزحمة جاك
قاللك أنا ماشي معاك
..شاور بعكازه القريب
وعينه فيها شوق غريب
شاور ناحية مركبك
إللي في البدرية هتمسكك
وتوديك بعيد عن ناسك
في غربة ما فهاش الدفا
..قاللك أروح يمكن يا صاح
ألقى ما يسند الكساح
ألقى ما يفرج الصباح
ألقى رجل جديدة لسة
مامشيتش
ولا تعبتش
ولا طالهاش لسة الألم
ولا تعّبها كتر الصياح
ولا شللها الإحتياج
ولا دمرها ندر الوفا
..ما أنا هالقى أكيد هناك أى حاجة
أى حاجة تزق والسلام
حاجة تدفعني لقدام
أى حاجة تمسح الحزن إللي كان
أى حاجة جديدة لسه
إيدين جبايبي لم تطولها
لا بالحنان ولا بالنسيان
لا بالفرح ولا بالإحزان
ولا منها قلبي اكتفى
..وماتفتكرش إنه كان مبسوط
لما قاللك أنا جاى معاك
ده كان فيه دمع في عينيه مربوط
حابسه لحسن يشوفوه الناس
لحسن يتعرى الإحساس
حابسه رابطه جوه القلب
وباصصلك
مستني الردهتاخده معاك واللا
مش هتساع أحزانه المركبة
..ياللا
بيزعق فيك وفغيرك
عايز يلحق يمشي قبل مايرجعه حنين
وقبل ما يطويه الجفا
...انا مش جايلك زيه
عايز انسي حاجات
ولا تعبني تقل الاحتياج
انا بس طير حريته مساحات
لا ينحبس في أرض ولو حبيبة
ولا ينطوي على فرحة وحيدة
لازم يروح يلف الكون
يقول للخلق انا فرحان
تعالوا واتملوا زيي هوا
تعالوا واشبعوا في كل اوان
وطول ما فيه أراضي
وحتت لسة ماراحهاش
عارف إنه هناك ناس مستنياه
عشان يبشرهم بالصباح
وبالفجر اللي لاح
.. وبالليل اللي اختفى

prespectives!!

2005-07-29T08:08:00.000-07:00

having low self esteem, is like ur shadow..
it goes with u everywhere..
it tells u if u see it that there is a light shining on ur life..

some ones don't care,
just live in their life wizout searching for the light..

these times that u feel like u r so down..
so confused, dunno what to do..
these times when u see nothing but this shadow..
and when it become darker and even more..
u know that the light is growing warmer...

brother..
u r just looking in the wrong way...
turn ur head and face the light..
turn ur head and get filled up..

it's just that simple to see :)