Monday, March 16, 2009

حدّ يطمنني

صحيت مفزوع
جالي حلم..والعياذ بالله من ده حلم
شفت مصر صبية ملفوفة بالسواد
والسواد في الحلم لون الخلفية الهباب
يعني مصر ماكنتش لابسة
عريانة ولاففها الضباب
مكسورة مكسوفة وقلبها منكاد
!
شفت الناس ف الشوارع بقت أبيض ف اسود
زي بلاد الخليج
و الأوبرا محروقة والساقية اتهدت
ووسط البلد محبوسين مع عمر خيرت
و الجرايد كلها مصفر أو مخضر
والشوارع زي افغانستان فيها موت
والستات ستات بس جوه البيوت
وبراها شجر
!
النيل كان نايم ف نفس المكان
بس مداس غلى راسه بالجزمة
كل تماثيله مرمية فيه
م المتحف جابوهم وقالوا حرام
والأوتلات هياكل سودا
كانت بتدخن لسه من يومين
واصحاب الرأي هربوا منها
و برّه بيقولوا مصريين
!
واحد م الغربة قاللي
شايف الصبية اللي جاية علينا
ومش لابسة غير جلدها
وكل الناس أهم بتنهش لحمها
مش عارف ليه انا عارف شكلها
قلتله وانا باصص ف الأرض
دي أمي..ياريتني ما سبتها
:(((
نزلت الشوارع والناس خضيتني
عميان وعينهم بيضا ما فيها نني
صحيت مفزوع وقلت
ياااااااااا رب حدّ يطمنني

9 Comments:

At 3:49 PM, Blogger Unknown said...

wade7 en ba2alak zaman magetsh masr
.... asl 7alla delwa2ty aktar sawadan men kol a7lamak ...matkhafsh :)

welcome back

 
At 1:09 PM, Blogger Unknown said...

This comment has been removed by a blog administrator.

 
At 2:17 PM, Blogger Unknown said...

This comment has been removed by a blog administrator.

 
At 1:06 AM, Anonymous el7osiny3 said...

This comment has been removed by a blog administrator.

 
At 10:09 PM, Anonymous العاب said...

بالتوفيق

 
At 2:10 AM, Anonymous Tadwina said...

مرحبا / توني
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1255
يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com.
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

 
At 11:18 AM, Anonymous Anonymous said...

This comment has been removed by a blog administrator.

 
At 11:45 AM, Anonymous cheap young drivers insurance said...

This comment has been removed by a blog administrator.

 
At 1:49 AM, Blogger free-pedia.com said...

This comment has been removed by a blog administrator.

 

Post a Comment

<< Home