Saturday, January 09, 2010

ع السطوح ومبلم (٢)*ـ

امتى الفجر يشقشق بأه
حيطان الواحد متشققة
والزن حرام بجد حرام
مابقتش حمل التريقة
..
امتى الفجر يطلع يا ناس
مات من السهر الإحساس
وطقهت استنى الأحلام
مش قادر افضل كده متداس
..
امتى الفجر يِـحمى خضاري
نبتي بقى أصفر صحاري
والميـَّـه بقت سراب أوهام
مين يقدر يجيبها لداري
..
امتى الفجر يصافح وشـِّـي
والنور يقول للغُلب ياللا إمشي
ويغور السهر وأعرف أنام
ماهو بقالي سنين ما بنامشي
..
امتى وامتى، عمال باسأل
مستني الفجر وباينه بيتقل
والناس شايفاني زي حطام
وانا أوحش وبحاول أتجمِّـل
..
انا يتهيألي مش راح أدقق
وانشالله عن الفجر ما شقشق
وانشالله عني ما رجعت تمام
مش كل اللي نعوزه بيتحقق
..
انا متضايق و نَفَسي بيغلي
ولو اتكلمت هاولّع كلي
فانا مش هانطق بأى كلام
وانشالله انفجر مللي بيحصللي
!

(للاطلاع على "ع السطوح ومبلم (١)" يرجى الرجوع إلى يناير٢٠٠٦)ـ*

11 Comments:

At 12:02 AM, Blogger Borsa said...

This comment has been removed by a blog administrator.

 
At 4:04 AM, Anonymous koora said...

merciiiiiiiiii

 
At 5:22 AM, Anonymous almanarh said...

كلمات رائعة ومؤثرة وجهد رائع مبذول يعبر عن وجهة نظر صاحبه
استمر
وفقك الله
www.almanarheg.com

 
At 4:49 AM, Anonymous جيجى said...

ايه الكلام الجامد ده

 
At 6:17 AM, Anonymous سهر said...

المدونة جامدة مووووووووووووووووت والكلام فظيع
صاحبتكم سهر

 
At 12:30 AM, Anonymous زوزو said...

موضوع اكثر من رائع

تحياتى لكم

 
At 3:09 AM, Anonymous سوسو said...

تحفة

 
At 2:49 AM, Anonymous هيا said...

شكرا على المدونة الرائعة .. مع تحياتى و أمنياتى بدوام التوفيق

 
At 11:32 PM, Anonymous اريج said...

المدونه ممتازه جدا جدا
وانا في انتظار المزيد من الموضوعات المهمه

 
At 12:23 AM, Anonymous noor said...

موضوع رائع وجميييييييل
ومفيد جدا
واسلوب العرض ايضا جمييييل
بارك الله فيك

 
At 3:34 AM, Anonymous فينا said...

الموقع حقيقي تحفه لك مني اجمل تحيه

 

Post a Comment

<< Home