هتتحرر

(إلى توييتي :)

هتتحرر
هتتحرر
ومهما قسي أسر البربر
هتتحرر
هتنفك قيودك وتتدمر
وكل إللي ماسكك يتكسر
من جوه القلب مش برّه
راح تتغيّر
!

وتتحرر

بكتير أكتر

م إللي كنت بتتصوّر

في الضلمة فرحك هينوّر

في السكة نورك راح يظهر

ويفضل دايما كده فرحك

يتطور

!
وتتحرر
وبرغم كل شىء تقدر
وبرغم أي شىء تقدر
وتفرح بنفسك تتمخطر
ماهو لما طلبت قوام
مطـّـر

!
وتتحرر

وتتبسم
للدنيا ..ولونها الأخضر
وللحق إللي جايلك بيبشر
لنفسك ولغيرك للعالم
قوم و إظهر
!
وتتحرر
وتتنفس
بجمال ريحة الخلاص
ويشوف فرحك كل الناس
وبعد ما كنت محبوس
تبقى مبشر
!
يا بختك بكل الحرية
يا بختك يا بخت البشرية
!